Таццяна Сяргееўна Талочка — анестэзіёлаг-рэаніматолаг, працавала ў Дзіцячай гарадской клінічнай бальніцы № 2 у Мінску. Яе затрымалі 12 траўня 2022 года наўпрост на працоўным месцы. Гэтак жа быў затрыманы яе муж.

Яе абвінавачваюць у тым, што ў жніўні 2020-га года яна выратавала ад пераследу падлетка Цімура Міцкевіча, які пасля збіцця сілавікамі патрапіў у кому. Цяпер 19-гадовы хлопец ваюе ва Украіне ў Палку Кастуся Каліноўскага. Як перадалі словы Таццяны былыя сукамерніцы, яна «падпісала паперы, што дапытваць яго нельга, але галоўная лекарка не падпісала гэты дакумент».

Адразу супраць яе і мужа пачалі адміністрацыйны працэс, але потым яны стала фігурантамі крымінальнай справы па арт. 342 КК (Групавыя дзеянні, што груба парушаюць грамадскі парадак). Муж лекаркі знаходзіўся пад падпіскай аб нявыездзе, а Таццяну змясцілі ў СІЗА-1.

Працэс над ёй адбыўся 30 верасня 2022 года ў судзе Кастрычніцкага раёна Мінска. Суддзя Вольга Няборская прызнала доктарку вінаватай і прызначыла ёй тры гады абмежавання волі без накіравання ў ПУАТ ("хатняй хіміі"). Таццяну Талочку вызвалілі ў зале суда.

Палітзняволеную лекарку Таццяну Талочку асудзілі да трох гадоў "хатняй хіміі"

Суддзя Вольга Няборская прызнала яе вінаватай у "актыўным удзеле ў дзеяннях, якія груба парушаюць грамадскі парадак" (арт. 342 Крымінальнага кодэкса).