Таццяна Дзянісаўна Барысовіч — скрыпачка, студэнтка музычнага каледжу. Была затрымана 22 лютага 2022 года, калі ў кватэру, дзе яна жыла з маці і сястрой, прыйшлі з ператрусам. 

Дзяўчыне прад'явілі абвінавачванне па арт. 342 крымінальнага кодэксу (Арганізацыя альбо актыўны ўдзел у групавых дзеяннях, якія груба парушаюць грамадскі парадак) і змясцілі пад варту ў СІЗА-1.

31 траўня 2022 г. у судзе Заводскага раёна Мінска распачаўся разгляд справы Таццяны і ейнай сястры Яны. 1 чэрвеня суддзя Алег Каляда прызнаў абедзвюх вінаватымі і прысудзіў Таццяну Барысовіч да абмежавання волі з накіраваннем ва ўстанову адкрытага тыпу тэрмінам на тры гады, Яну Барысовіч — да абмежавання волі з накіраваннем ва ўстанову адкрытага тыпу тэрмінам на два з паловай гады.

Сёстры пакінулі Беларусь і цяпер знаходзяцца ў бяспецы.

"Усе разам пойдзеце пад суд": гісторыя пераследу цэлай сям'і

22-гадовая Яна і 21-гадовая Таня Барысовіч — сёстры. Больш за тры месяцы яны праседзелі ў СІЗА, пасля чаго іх асудзілі да 2,5 і 3 гадоў "хіміі" з накіраваннем за фатаграфіі з Маршаў. Іх маці таксама правяла 15 сутак у ІЧУ. Пасля суда, калі дзяўчыны апынуліся дома, супрацоўнікі прыйшлі з ператрусам, каб затрымаць іх маці і трэцюю сястру ўжо паводле крымінальнай справы — але тыя паспелі пакінуць краіну. Сёстры распавялі "Вясне", як гэта — дазнацца, што маці далі "суткі", пакуль ты сядзіш у зняволенні, сустрэць вайну на Акрэсціна і некалькі разоў прачынацца ўначы ад холаду.

Сясцёр у Мінску за ўдзел у акцыі пратэсту 2020 года асудзілі да "хіміі"

У судзе Заводскага раёна Мінска 1 чэрвеня вынесены прысуд палітзняволеным сёстрам Яне і Таццяне Барысовіч. Дзяўчат абвінавацілі ў арганізацыі і падрыхтоўцы дзеянняў, якія груба парушаюць грамадскі парадак або актыўным удзеле ў іх (ч. 1 арт. 342 Крымінальнага кодэкса).