Сяргей Паўловіч

Дата нараджэння: 24 ліпеня 1983

Дата затрымання: 9 лютага 2022

Прад'яўленыя абвінавачванні:

арт. 369 Крымінальнага кодэкса — Абраза прадстаўніка ўлады
арт. 368 Крымінальнага кодэкса — Абраза прэзідэнта Рэспублікі Беларусь

Вынік суда: 2 гады

Від пакарання: пазбаўленне волі ў калоніі ва ўмовах агульнага рэжыму

Дата вызвалення: 1 снежня 2023

Суддзя: Дзядкова Наталля

Сяргей Уладзіміравіч Паўловіч быў затрыманы 13 студзеня 2022 года па адміністрацыйнай справе. Спачатку яго асудзілі на 15 сутак, затым яшчэ на 12, але на волю ён не выйшаў — быў перазатрыманы па крымінальнай справе аб абразе ў інтэрнэце прэзідэнта Рэспублікі Беларусь (ч. 1 арт. 368 Крымінальнага кодэкса) і прадстаўнікоў улады (арт. 369 Крымінальнага кодэкса).

З 9 лютага ўтрымліваецца ў СІЗА.

20 чэрвеня 2022 г. адбыўся разгляд справы, у выніку якога Сяргея прызналі вінаватым, асудзілі на 2 гады зняволення ў калоніі агульнага рэжыму і прызначылі штраф 200 базавых велічыняў.

У сярэдзіне жніўня 2022 г. Сяргея этапавалі з СТ № 8 у наваполацкую ПК № 1.

1 снежня 2023 г. мусіў выйсці на волю.

"Прынізіў гонар і годнасць прадстаўнікоў улады": два гады калоніі прысудзілі палітвязню Паўловічу

Паўловіч у перыяд з 5 ліпеня па 29 лістапада 2021 года, маючы намер на публічную абразу прадстаўнікоў улады – Генеральнага пракурора Беларусі, старэйшага памочніка пракурора Фрунзенскага раёна г. Мінска, старшыні Савета Рэспублікі Нацыянальнага сходу Рэспублікі Беларусь, міністра ўнутраных спраў Рэспублікі Беларусь, начальніка аднаго з аддзелаў упраўлення ГУБАЗіК МУС Рэспублікі Беларусь у сувязі з выкананнем імі службовых абавязкаў.

Палітвязні знаходзяцца па адрасах:

Падтрымаць «Вясну»