Сяргей Непагода

Дата нараджэння: 4 снежня 1979

Дата затрымання: 17 сакавіка 2021

Прад'яўленыя абвінавачванні:

арт. 363 Крымінальнага кодэкса — Супраціў супрацоўніку органаў унутраных спраў або іншай асобе, якая ахоўвае грамадскі парадак

Вынік суда: 3 гады

Від пакарання: пазбаўленне волі ў калоніі ва ўмовах агульнага рэжыму

Дата вызвалення: 4 лістапада 2023

Суддзя: Петрусевіч Вадзім

Пракурор: Жук Юлія

Сяргей Уладзіміравіч Непагода — трэці асуджаны фігурант справы за патасоўку з сілавікамі 19 чэрвеня 2020 года ў Маладзечне пасля акцыі салідарнасці, калі пратэстоўцы адбівалі затрыманага, а амапавец дастаў пісталет. Паўла Пяскова і Уладзіслава Еўсцігнеева асудзілі да 3 гадоў калоніі напрыканцы верасня 2020 года.

Сяргей Непагода быў прызнаны падазраваным, але з'ехаў за мяжу і ў судзе не ўдзельнічаў. Яго затрымалі 17 сакавіка 2021 года ў Санкт-Пецярбургу, змясцілі ў расійскае СІЗА на паўгода, а калі скончыўся тэрмін утрымання пад вартай, то па прычыне парушэння міграцыйнага рэжыму выправадзілі ў Беларусь. Тут яго змясцілі пад варту на падставе ўзбуджанай супраць яго крымінальнай справы.  

Непагоду асудзілі па ч. 2 арт. 363 Крымінальнага кодэкса (супраціў з прымяненнем гвалту) да трох гадоў калоніі агульнага рэжыму.

У канцы сакавіка 2022 праваабаронцам стала вядома, што Сяргей быў пераведзены з жодзінскай турмы № 8 у магілёўскую турму № 4. Пасля адбываў тэрмін у ПК № 15

Выйшаў на волю 4 лістапада 2023 г. 

Маладзечанца, якога затрымалі ў Расіі і дэпартавалі ў Беларусь, асудзілі за патасоўку з амапаўцамі да трох гадоў калоніі

Суд Маладзечанскага раёна 15 снежня агучыў прысуд па крымінальнай справе па ч. 2 арт. 363 Крымінальнага кодэкса (супраціў з прымяненнем гвалту) ў дачыненні да Сяргея Непагоды, якога затрымалі ў Расіі і дэпартавалі ў Беларусь. Суддзя Вадзім Петрусевіч асудзіў маладзенчанца да трох гадоў калоніі ва ўмовах агульнага рэжыму. Сяргей Непагода — трэці асуджаны фігурант справы за патасоўку з сілавікамі 19 чэрвеня мінулага году ў Маладзечне пасля акцыі салідарнасці, калі пратэстоўцы адбівалі затрыманага, а амапавец дастаў пісталет. Паўла Пяскова і Уладзіслава Еўсцігнеева асудзілі да 3 гадоў калоніі яшчэ напрыканцы верасня. Сяргей Непагода быў прызнаны падазраваным, але з'ехаў за мяжу і ў судзе не ўдзельнічаў. Яго затрымалі 17 сакавіка ў Санкт-Пецярбургу, змясцілі ў расійскае СІЗА на паўгода, а калі скончыўся тэрмін утрымання пад вартай, то па прычыне парушэння міграцыйнага рэжыму выправадзілі ў Беларусь. Тут яго змясцілі пад варту на падставе ўзбуджанай супраць яго крымінальнай справы.

Палітвязні знаходзяцца па адрасах:

Падтрымаць «Вясну»