Сяргей Маланчук
Дата нараджэння: 28 сакавіка 1986
Дата затрымання: 21 чэрвеня 2021
Прад'яўленыя абвінавачванні:
арт. 369 Крымінальнага кодэкса — Абраза прадстаўніка ўлады
Вынік суда: 2 гады
Від пакарання: абмежаванне волі з накіраваннем у папраўчую ўстанову адкрытага тыпу ("хімія")
Дата пачатку адбыцця пакарання: 21 чэрвеня 2021
Дата вызвалення: 20 чэрвеня 2023
Суддзя: Гурын Руслан
Пракурор: Антановіч Андрэй
Сяргей Сяргеевіч Маланчук — жыхар Гродна, асуджаны на 2 гады абмежавання волі з накіраваннем у папраўчую ўстанову адкрытага тыпу ("хімія") па крымінальнай справе аб абразе прадстаўніка ўлады (арт. 369 Крымінальнага кодэксу).
Сяргея абвінавацілі ў абразе былога міністра ўнутраных спраў Юрыя Караева ў тэлеграм-чаце. Паводле версіі следства, Маланчук сваім каментаром "нанёс шкоду аўтарытэту дзяржаўнай улады, прынізіў гонар і годнасць генерал-маёр Юрыя Караева".
10 чэрвеня 2021 г. адбыўся разгляд апеляцыйнай скаргі Сяргея.
З 21 чэрвеня 2021 года Сяргей пачаў адбываць пакаранне ў ПУАТ-46.
Па падліках праваабаронцаў вызвалены 20 чэрвеня 2023 г.
