Сяргей Маратавіч Боршч — грамадзянін Расіі, мужчыну схапілі супрацоўнікі ГУБАЗіКу падчас працоўнага дня на заводзе шасцерняў 21 ліпеня 2022. 24 ліпеня на канале сілавікоў з’явіўся "пакаяльны" ролік, дзе Сяргей распавядае, як браў удзел у мітынгу і нават выйшаў на праезную частку, а таксама быў падпісаны на "дэструктыўны канал Nexta". 

Сяргея абвінавацілі паводле арт. 342 Крымінальнага кодэксу (Групавыя дзеянні, якія груба парушаюць грамадскі парадак).

Вядома, што 8 лістапада 2022 г. у судзе Першамайскага раёна Мінска адбыўся разгляд справы Сяргея: палітвязня прызналі вінаватым і асудзілі да зняволення ў калоніі. Праваабаронцы высвятляюць тэрмін пакарання. Напрыканцы снежня мужчыну перавялі з СІЗА-1 у віцебскі СІЗА-2.

Дзе Сяргей адбывае пакаранне цяпер — праваабаронцам невядома.