Сцяпан Віктаравіч Талкачоў быў затрыманы ў Брэсце паводле крымінальнай справы, распачатай за каментары ў інтэрнэце пасля гібелі супрацоўніка КДБ Дзмітрыя Федасюка і it-спецыяліста Андрэя Зельцэра. 

Вядома, што Сцяпану выставілі абвінавачванне паводле арт. 130 Крымінальнага кодэкса (Распальванне сацыяльнай варожасці ці варажнечы). Палітвязня перавялі з СТ № 8 у брэсцкі СІЗА-7.

26 жніўня 2022 г. быў вынесены прысуд: суддзя Ніна Шастак прызнала Сцяпана вінаватым і прызначыла яму два з паловай гады зняволення ў калоніі ва ўмовах агульнага рэжыму.

У лістападзе 2022. КДБ унёс палітвязня ў спіс "асобаў, датычных да тэрарыстычнай дзейнасці".

Быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

Палітзняволены адбывае пакаранне ў бабруйскай ПК № 2.

У верасні 2023 г. палітвязень выйшаў на волю, цалкам адбыўшы тэрмін.

Чарговы прысуд па "справе Зельцэра": 2,5 гады калоніі за каментар

У Instagram Сцяпан Талкачоў напісаў: "Адным КДБшнікам менш, адным больш. [Няма чаго] без запрашэння ў хаты чужыя ўрывацца".