Раман Анатольевіч Смолькін — жыхар Салігорска, асуджаны на 2 гады абмежавання волі з накіраваннем у папраўчую ўстанову адкрытага тыпу ("хімія") за абразу былога намесніка начальніка салігорскай міліцыі Салаўя. 

З 12 кастрычніка 2021 года адбываў пакаранне ў ПУАТ № 9.

14 лютага 2022 г. суд замяніў палітвязню пакаранне на пазбаўленне волі. Адміністрацыя ПУАТ запісала ў парушэнні рэжыму "хіміі" спазненне Рамана на лекцыю, сон пад нарай, адмову ад прыборкі. 14 лютага паводле рапартаў адбыўся суд, які пастанавіў накіраваць палітвязня на 9 месяцаў ў калонію за парушэнне рэжыму папраўчай установы.

У канцы траўня 2022 г. быў пераведзены з ПУАТ № 9 у віцебскі СІЗА-2, а ў ліпені — у ПК № 20.

26 студзеня 2023 г. Раман выйшаў на волю з мазырскай калоніі № 20, адбыўшы ў зняволенні 1 год, 3 месяцы і 14 дзён.

Спазніўся на лекцыю і спаў пад нарай. Палітвязня Рамана Смолькіна пераводзяць з "хіміі" ў калонію

47-гадоваму палітзняволенаму Раману Смолькіну, якога асудзілі да двух гадоў "хіміі" за абразу экс-намесніка начальніка салігорскай міліцыі, змянілі пакаранне на больш жорсткае.

Жыхар Салігорска асуджаны за абразу намеснік начальніка салігорскай міліцыі Салаўя

Салігорскі раённы суд разгледзеў крымінальную справу паводле артыкула 369 КК РБ (абраза дзяржаўнага служачага) у дачыненні да мясцовага жыхара Рамана Смолкіна. Справу разглядаў суддзя Юрый Блоцкі, пракурор — Чарнышэўскі.