Пётр Сцяпанавіч Канстанцінаў — жыхар Жлобіна, актывіст БСДП, затрыманы на пачатку чэрвеня 2021 года ў межах крымінальнай справы аб групавых дзеяннях, што груба парушаюць грамадскі парадак (арт. 342 Крымінальнага кодэксу).

Крымінальная справа датычыцца падзей 9-10 жніўня 2020 года, калі ў Жлобіне праходзілі акцыі пратэсту супраць фальсіфікацыі выбараў.

Вядома, што Пётр Канстанцінаў быў змешчаны ў СІЗА.

6 жніўня 2021 года суддзя суда Жлобінскага раёна Мікалай Сергяевіч прысудзіў Канстанцінаву два гады калоніі агульнага рэжыму.

У сярэдзіне сакавіка 2022 г. з'явілася інфармацыя аб пераводзе Пятра з СІЗА-3 у ПК № 14.

Палітвязень цалкам адбыў тэрмін і ў сакавіку 2023 г. выйшаў на волю.

Праз два тыдні яго затрымалі ў Жлобіне паводле адміністрацыйнай справы. Мужчыну адпусцілі да суду.

У Жлобіне яшчэ двух палітвязняў адправілі ў калонію за ўдзел у паслявыбарчай акцыі

Мікалай Ісаенка сваю віну прызнаў толькі ў той частцы, што ўвечары дзявятага жніўня быў сярод людзей у цэнтры горада. Пётр Канстанцінаў цалкам не прызнаў сваю віну. Падчас суда ён задаваў шмат пытанняў сведкам і аргументавана абараняў сябе.