Павел Федукевіч

Дата нараджэння: 15 снежня 1983

Дата затрымання: 11 лістапада 2020

Прад'яўленыя абвінавачванні:

арт. 309 Крымінальнага кодэкса — Наўмыснае прывядзенне ў непрыдатнасць транспартнага сродку або шляхоў зносін

Вынік суда: 1 год і 9 месяцаў

Від пакарання: пазбаўленне волі ў калоніі ва ўмовах агульнага рэжыму

Дата вызвалення: 7 красавіка 2022

Суддзя: Дубовік Вольга

Пракурор: Цітовіч

Павел Віктаравіч Федукевіч — жыхар Маладзечна, абвінавачаны па арт. 309 Крымінальнага кодэксу (Наўмыснае прывядзенне ў непрыдатнасць транспартнага сродку або шляхоў зносін).

11 лістапада 2020 года Павел Федукевіч разам з Сяргеем Шабунем вырашылі паспрабаваць схему замыкання рэек на чыгунцы. Каля 21.00 яны ўзялі тросік і паехалі ў Вязынку на аўто Шабуні. Там прывязалі дрот да рэек і пачалі сыходзіць, але пачулі крыкі супрацоўнікаў міліцыі: "Стаяць!"

З таго дня да суда, які прайшоў у красавіку 2021 года, абодва знаходзіліся пад вартай. 3 траўня абодвум мужчынам прысудзілі 1 год і 9 месяцаў пазбаўлення волі.

Павел цалкам адбыў пакаранне і 7 красавіка 2022 быў вызвалены з папраўчай калоніі №2.

Маладзечна: пачаўся разгляд чарговай у краіне "рэйкавай" справы

У судзе Маладзечанскага раёна пачаўся разгляд справы па артыкуле 309 Крымінальнага кодэксу. На лаве падсудных – 38-гадовы Сяргей Шабуня і 37-гадовы Павел Федукевіч.

Маладзечна: вынесеныя прысуды па "рэйкавай" справе

Трэцяга траўня ў судзе Маладзечанскага раёна вынеслі прысуды 38-гадоваму Сяргею Шабуні і 37-гадоваму Паўлу Федукевічу. Іх прызналі вінаватымі ў здзяйсненні злачынства, прадугледжанага артыкуламі арт. 14 і арт. 309 Крымінальнага кодэксу і асудзілі кожнага да аднаго года і дзевяці месяцаў пазбаўлення волі ў калоніі агульнага рэжыму.

Палітвязні знаходзяцца па адрасах:

Падтрымаць «Вясну»