Наталля Барысаўна Ганчарэнка была затрымана 31 траўня 2022 года ў межах крымінальнай справы аб групавых дзеяннях, што груба парушаюць грамадскі парадак (арт. 342 крымінальнага кодэксу).

У «пакаяльным відэа» яна «прызнаецца» ў тым, што перакрывала рух транспарту падчас жнівеньскіх акцый пратэсту ў 2020 годзе, была падпісаныя на «экстрэмісцкія» тэлеграм-каналы, а таксама зарэгістравалася ў плане «Перамога».

У судзе Маскоўскага раёна Мінска 30 жніўня 2022 г. суддзя Юрый Машкетаў пачаў разглядаць справу палітзняволенай. На наступны дзень быў агучаны прысуд: тры гады абмежавання волі з накіраваннем у папраўчую ўстанову адкрытага тыпу («хіміі»). Наталлю вызвалілі ў зале суда да накіравання ў ПУАТ.

Вядома, што на працэсе «Мінсктранс» выставіў пазоў за пяць эпізодаў на 98 тысяч рублёў — яго вынеслі ў асобную грамадзянскую вытворчасць.