Міраслаў Аляксандравіч Федаровіч быў затрыманы па крымінальнай справе, узбуджанай за каментары ў інтэрнэце пасля гібелі ў мінскай кватэры супрацоўніка КДБ Дзмітрыя Федасюка і it-спецыяліста Андрэя Зельцэра. 

У сярэдзіне снежня 2021 стала вядома аб пераводзе Міраслава са Следчай турмы № 8 у СІЗА-7.

17 і 19 жніўня 2022 г. у Брэсцкім абласным судзе адбыўся разгляд справы. Вядома, што на судзе мужчына прызнаў, што ён сапраўды напісаў такі каментар, але не пагадзіўся з агучанымі пракуроркай мэтамі (узбуджэнне нянавісці, нарошчванне антыдзяржаўных настрояў у аўдыторыі і г. д.). Міраслаў сказаў, што ягоны каментар быў адказам на паведамленне іншага карыстальніка, у якім было заахвочванне гвалту над сілавікамі. А сам ён супраць гвалту, і ў яго каментары не было нават намёкаў на такое.

Пад вартай знаходзіўся з 30 верасня 2021 да суда (каля 1 года). 1 лістапада 2022 адбыўся разгляд апеляцыйнай скаргі.

Адбываў тэрмін у ПК № 2.

Па падліках праваабаронцаў восенню 2023 вызвалены.