Мікіта Віктаравіч Хількевіч быў абвінавачаны паводле двух артыкулаў Крымінальнага кодэкса Рэспублікі Беларусь: ч. 1 арт. 342 (Арганізацыя і падрыхтоўка дзеянняў, што груба парушаюць грамадскі парадак, або актыўны ўдзел у іх) і арт. 341 КК (Апаганьванне збудаванняў і псаванне маёмасці).

У сакавіку 2022 года ў судзе Чачэрскага раёна адбылося некалькі пасяджэнняў, падчас якіх судзілі траіх мясцовых жыхароў: Вадзіма Дзенісенку, палітзняволеную Рыту Зотаву і Мікіту Хількевіча. 23 сакавіка быў вынесены прысуд: суддзя Пётр Цыганок прызначыў Хількевічу два гады зняволення ў калоніі агульнага рэжыму.

Утрымліваўся ў СІЗА-3.

У пачатку траўня 2023 г. стала вядома, што палітзняволены знаходзіцца ў ПК № 22.

Па падліках праваабаронцаў, 12 кастрычніка 2023 г. тэрмін адбыцця пакарання Мікіты скончыўся. 

У Чачэрску траіх маладых людзей асудзілі да зняволення за налепленыя стыкеры

Маладых людзей асудзілі за некалькі стыкераў, якія тыя наляпілі на тэрыторыі мясцовай школы па дарозе з вечарынкі. Міліцыю выклікала дырэктарка школы. Рыта расказала, што, калі з ёй запісвалі "пакаяльнае" відэа, ёй паабяцалі: "Не хвалюйцеся, гэта нікуды не пойдзе". Таксама яна адзначыла, што дакладна не ведае, што такое анархізм.