Мікалай Грыгор'евіч Ісаенка — жыхар Жлобіна, філолаг, выкладчык беларускай і рускай моў і літаратуры; у апошнія гады займаўся прадпрымальніцкай дзейнасцю. Быў затрыманы 2 чэрвеня 2021 года ў межах крымінальнай справы аб групавых дзеяннях, груба парушаючых грамадскі парадак.

Мужчыну прад'яўлена абвінавачванне паводле арт. 342 Крымінальнага кодэксу (Арганізацыя альбо актыўны ўдзел у такіх дзеяннях). Яго затрымлівалі 10 жніўня 2020 года і пры затрыманні вельмі моцна збілі. Мікалай тады апынуўся ў бальніцы з чэрапна-мазгавой траўмай, дзе праляжаў два тыдні. Затым яго два разы выклікалі на допыты па крымінальных справах аб абразе сцяга і па масавых беспарадках. 

6 жніўня суддзя суда Жлобінскага раёна Мікалай Сергяевіч прысудзіў Ісаенку адзін год і шэсць месяцаў калоніі агульнага рэжыму.

На пачатку снежня 2021 стала вядома аб пераводзе Мікалая з СІЗА-3 у ПК №1.

Мікалай Ісаенка цалкам адбыў тэрмін і 23 верасня 2022 года выйшаў на волю. 

У Жлобіне яшчэ двух палітвязняў адправілі ў калонію за ўдзел у паслявыбарчай акцыі

У судзе Жлобінскага раёна асудзілі палітычных зняволеных Мікалая Ісаенку і Пятра Канстанцінава. Іх прызналі вінаватымі па частцы 1 артыкул 342 Крымінальнага кодэксу (Арганізацыя альбо актыўны ўдзел у групавых дзеяннях, груба парушаючых грамадскі парадак) за тое, што прымалі ўдзел у акцыі пратэсту ў Жлобіне ўвечары дзявятага жніўня 2020 года. Справу разглядаў суддзя Мікалай Сергяевіч, бок дзяржабвінавачвання прадстаўляла пракурор Марына Панчык. Абодва абвінавачаных да суда знаходзіліся пад вартай.