Максім Сяргеевіч Ражкоў быў затрыманы ў Гомелі па крымінальнай справе, узбуджанай за каментары ў інтэрнэце пасля гібелі супрацоўніка КДБ Дзмітрыя Федасюка і it-спецыяліста Андрэя Зельцэра.

Вядома, што Максім мае інваліднасць другой групы.

Палітзняволены праходзіў па крымінальнай справе паводле ч. 1 арт. 342 КК (Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх) і ч. 1 арт. 130 КК (Распальванне сацыяльнай варожасці ці варажнечы).

Знаходзіўся ў Жодзіне, пасля быў пераведзены ў гомельскае СІЗА-3.

21 верасня 2022 г. у Гомельскім абласным судзе распачаўся разгляд справы палітзняволенага. 28 верасня ён быў прызнаны вінаватым і асуджаны да 3,5 гадоў зняволення ў калоніі ва ўмовах агульнага рэжыму.

23 снежня 2022 г. КДБ уключыў палітвязня ў спіс "асоб, якія маюць дачыненне да тэрарыстычнай дзейнасці".

Быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

27 снежня Максім перавялі з СІЗА-3 у папраўчую калонію № 3.

21 жніўня 2024 г. Максім выйшаў на волю. 

Гамяльчаніна з інваліднасцю пакаралі калоніяй за каментары па "справе Зельцэра"

Судовы працэс пачаўся 21 верасня гэтага года. На наступным пасяджэнні, 26 верасня, дзяржаўны абвінаваўца запрасіў чатыры гады пазбаўлення волі.