Чыгуначнік Максім Міхайлавіч Кронда быў затрыманы паводле крымінальнай справы за абразу Лукашэнкі (ч. 1 арт. 368 Крымінальнага кодэксу). Яго затрымалі 11 верасня 2023 года і да суда ўтрымлівалі ў СІЗА №7 Брэста. 

Паводле матэрыялаў абвінавачання, Максім 18 верасня 2021 года ў Telegram размясціў у “Чат Элехтарата", на які быў падпісаны, паведамленне з абразлівым выказваннем на адрас Лукашэнкі,  "усведамляючы, што з гэтым паведамленнем азнаёмяцца іншыя людзі, і гэта прыніжае гонар і годнасць кіраўніка дзяржавы. Аднак на той момант такому паведамленню не надаў значэння". Пры аглядзе мабільнага тэлефона таксама было ўстаноўлена, што Кронда "быў падпісаны на шэраг дэструктыўных тэлеграм-каналаў".

Вядома, што Максіма асудзілі наўпрост у СІЗА. Яго справу разглядала Марына Скалковіч з суда Маскоўскага раёна Брэста. 6 снежня 2023 г. яна агучыла прысуд — пазбаўлення волі на тэрмін адзін год з адбываннем пакарання ў папраўчай калоніі ва ўмовах агульнага рэжыму.

У Брэсце за абразу Лукашэнкі асудзілі чыгуначніка

У судзе Маскоўскага раёна Брэста 6 снежня вынесены прысуд палітзняволенаму чыгуначніку Максіму Кронду, якога абвінавацілі ў абразе Аляксандра Лукашэнкі паводле ч. 1 арт. 368 Крымінальнага кодэкса. Справу разглядала суддзя Марына Скалковіч.