Людміла Волкава
сябра Прэзідыума БСДП
Былая палітзняволеная
Дата нараджэння: 19 траўня 1992
Дата затрымання: 19 студзеня 2022
Прад'яўленыя абвінавачванні:
- арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх
Вынік суда: 2 гады
Від пакарання: пазбаўленне волі ў калоніі ва ўмовах агульнага рэжыму
Дата вызвалення: 2 кастрычніка 2023
Суддзя: Шут Юлія
Іншыя пазнакі: Адзінокія бацькі
Групы: Актывісты
Справы: Пратэсты Мінск
Заява аб прызнанні палітзняволенай
Сімвалічны(ая) хросны(ая): Барбара Гізі , дэпутатка Нацыянальнага савета Швейцарыі
Людміла Вітальеўна Волкава — сябра Прэзідыума БСДП. Была затрымана 19 студзеня 2022 года на працы. Затым у яе дома правялі ператрус, канфіскавалі тэхніку.
Яе абвінавачваюць па арт. 342 КК «Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх». Людмілу перавялі ў СІЗА.
Дома ў жанчыны застаўся 6-гадовы сын Васіль, якога яна выхоўвае адна.
27 траўня 2022 г. у судзе Ленінскага раёна Мінска пачаўся разгляд справы Людмілы. Пракурор запрасіў палітзняволенай 2 гады калоніі агульнага рэжыму. Таксама ён прасіў задаволіць пазоў "Мінсктранса" ў памеры 152 тысячы рублёў. Менавіта такое рашэнне і прыняла 31 траўня 2022 г. суддзя Юлія Шут.
У сярэдзіне ліпеня 2022 г. стала вядома аб пераводзе Людмілы з СІЗА-1 у гомельскую калонію № 4.
У пачатку кастрычніка 2023 г. стала вядома, што Людміла выйшла на волю.
Сяброўцы Прэзідыума БСДП Людміле Волкавай прызначылі два гады калоніі
