Людміла Сяргееўна Рамановіч была затрымана 4 красавіка 2022 г., затым яе змясцілі ў СІЗА. Падставай для гэтага стаўся ліст Людмілы, накіраваны ёю ў Следчы камітэт, і ўжытае ў ім слова "ўзурпатар".

На яе завялі крымінальную справу нібы за "абразу прэзідэнта" (ч. 1 арт. 368 Крымінальнага кодэксу).

15 чэрвеня 2022 г. у судзе Маларыцкага раёна распачаўся разгляд справы палітзняволенай. Пракурор Міховіч запрасіў прызначыць 57-гадовай палітзняволенай пазбаўленне волі ў калоніі агульнага рэжыму тэрмінам на 1 год і 6 месяцаў. Менавіта такі прысуд 20 чэрвеня 2022 г. і вынесла суддзя Вольга Смірнова.

29 ліпеня 2022 г. у Брэсцкім абласным судзе судовая калегія, у якую, сярод іншых, уваходзіў суддзя Андрэй Лешчанка, разгледзела апеляцыйную скаргу і пастанавіла пакінуць прысуд Людміле без зменаў. Неўзабаве палітзняволеную этапавалі з СІЗА-7 у гомельскую калонію № 4.

7 жніўня 2023 г. Людміла выйшла на волю, цалкам адбыўшы тэрмін.

«У Беларусі ва ўладзе дурні». Распавядаем гісторыю жыцця палітзняволенай актывісткі Людмілы Рамановіч

Сябра Партыі БНФ яшчэ ў 2019 годзе не баялася крытыкаваць рэжым Лукашэнкі. Яна турбавалася, што моладзь з'язджае працаваць у Еўрасаюз.

Паўтара года калоніі адмераў суд Людміле Рамановіч за абразу прэзідэнта

Пракурор Міховіч 17 чэрвеня запрасіў суд прызначыць 57-гадовай палітзняволенай пазбаўленне волі ў калоніі агульнага рэжыму тэрмінам на 1 год і 6 месяцаў.

Актывістку з Маларыты Рамановіч судзяць за слова "ўзурпатар"

Падчас абвяшчэння абвінавачання высветлілася, што падставай для крымінальнага пераследу актывісткі з'яўляецца слова "ўзурпатар" з яе ліста ў Следчы камітэт. Судовае пасяджэнне працягнецца 17 чэрвеня. Пройдуць спрэчкі бакоў і выступіць пракурор.