Леанід Аляксеевіч Шамаў — студэнт Полацкага дзяржаўнага ўніверсітэта, які ў 2019 годзе заняў першае месца па-за конкурсам на турніры па робататэхніцы "У будучыню праз веды: v5.0", што праходзіў у гэтай ВНУ.

Ён быў асуджаны да 2 гадоў і 6 месяцаў пазбаўлення волі ў калоніі агульнага рэжыму за "навучанне масавым беспарадкам" паводле ч. 3 арт. 293 Крымінальнага кодэксу.

Згодна з матэрыяламі справы, 10 і 11 жніўня 2020 года Леанід "наўмысна і супрацьпраўна" сабраў і распаўсюдзіў інфармацыю, прызначаную для гэтых мэтаў. Абвінавачванне было ўпэўненае, што ён распаўсюджваў яе праз тэлеграм-чаты, каб з імі маглі азнаёміцца жыхары Наваполацка і бліжэйшых населеных пунктаў. Да прысуду Шамаў знаходзіўся пад вартай.

У сярэдзіне траўня 2022 г. Леанід быў этапаваны з СІЗА-2 у бабруйскую ПК № 2.

Па падліках праваабаронцаў вызвалены вясной 2024 года.

У Наваполацку студэнта асудзілі да 2,5 гадоў калоніі за "навучанне беспарадкам"

7 красавіка 2022 года ў судзе Наваполацка і Наваполацкага раёна вынесены прысуд мясцоваму жыхару – 20-гадоваму Леаніду Шамаву. Справа разглядалася ў закрытым судовым пасяджэнні.