Ларыса Міхайлаўна Крупа праходзіць па справе разам з Захаранкай Наталляй. Жанчын абвінавачваюць па артыкулах аб неданясенні аб злачынстве (ч. 2 арт. арт. 406 КК) і аб шпіянажы (арт. 358 КК). Суд будзе праходзіць у закрытым рэжыме.

Наталля Захаранка ездзіла ў Беларусь з другой паловы 2022 года. Яна дапамагала ўкраінцам, якія затрымаліся ў Беларусі і не маглі самастойна выбрацца, выехаць з краіны. У Беларусь яна ездзіла на сваім аўтамабілі. Захаранка дапамагла вывезці з Беларусі каля 30 чалавек. Падчас чарговай паездкі ў Беларусь жанчына знікла.

6 сакавіка 2024 года Ларысу асудзілі да штрафу ў 100 базавых велічыняў.

24 траўня 2024 года у Ларысы адбыўся разгляд апеляцыйнай скаргі. Старшыня судовай калегіі Павел Каршуновіч. 

31 траўня 2024 г. унесена МУС у "спіс экстрэмістаў". 

У Гомелі пачынаецца суд над грамадзянкай Украіны, якую абвінавачваюць у шпіянажы

У Гомельскім абласным судзе 15 лютага 2024 года ў закрытым пасяджэнні пачнецца суд над грамадзянкай Украіны Наталляй Захаранка і Ларысай Крупа. Захаранку абвінавачваюць у шпіянажы на карысць Украіны паводле арт. 358 КК, а яе знаёмую ў неданясенні аб злачынстве (ч. 2 арт. 406 КК). Справу прызначаны разглядаць суддзя Анатоль Сотнікаў.