Кірыл Вадзімавіч Салееў — гукарэжысёр з Тэатру юнага гледача. Сын вядомага культуролага, выкладчыка Акадэміі мастацтваў Вадзіма Аляксеевіча Салеева. Ён быў затрыманы 14 верасня 2021 года.

Кірылу прад’явілі абвінавачванне па ч. 1 арт. 342 Крымінальнага кодэкса (дзеянні, якія груба парушаюць грамадскі парадак) і змясцілі ў СІЗА.

Суд Фрунзенскага раёна Мінска 6 студзеня 2022 пачаў разгляд крымінальнай справы ў дачыненні да Кірыла. Справу разглядае суддзя Наталля Бугук, дзяржаўнае абвінавачанне падтрымлівае Дзмітрый Хаваўка. 11 студзеня быў вынесены прысуд: абмежаванне волі ва ўстанове адкрытага тыпу тэрмінам на тры гады. 

Кірыл Салееў вызвалены з-пад варты ў зале суда да вызначэння парадку адбывання пакарання.

21 лютага 2022 стала вядома, што Кірыл пакінуў тэрыторыю Беларусі.

Экс-палітвязень Кірыл Салееў: "Уцякаць — адзіны спосаб дамагчыся нейкай справядлівасці"

Пасля чатырох месяцаў зняволення ў СІЗА №1 сёлета ў студзені палітвязня асудзілі за ўдзел у акцыях пратэсту пасля прэзідэнцкіх выбараў да трох гадоў "хіміі". Нядаўна Кірыл з'ехаў з Беларусі. Чаму ён прыняў такое рашэнне, як прайшлі яго чатыры месяцы на "Валадарцы", каго ён сустракаў за кратамі — былы палітвязень распавёў "Вясне".

Прысуд палітвязню Кірылу Салееву — тры гады "хіміі" за ўдзел у нядзельных маршах

Таксама вырашана вынесці прыватнае вызначэнне ў бок кіраўніцтва Тэатра юнага гледача аб тым, каб у калектыве праводзілася прафілактычная праца па недапушчэнню парушэння супрацоўнікамі заканадаўства аб масавых мерапрыемствах.

У Мінску палітвязня судзяць за ўдзел у двух нядзельных маршах, якія прайшлі восенню 2020 года

На пытанне пракурора аб тым, з якой мэтай мужчына знаходзіўся на месцы правядзення несанкцыянаваных масавых мерапрыемстваў, Кірыл Салееў растлумачыў, што паехаў у горад адзін, яму «было цікава паглядзець на тое, што адбываецца».