Кірыл Юр'евіч Пальчэўскі — жыхар Мінска, асуджаны тры гады і адзін месяц пазбаўлення волі ў калоніі агульнага рэжыму паводле арт. 342 (Групавыя дзеянні, якія груба парушаюць грамадскі парадак) і арт. 415 КК (Ухіленне ад адбыцця пакарання ў выглядзе абмежавання волі). Пальчэўскі мае псіхічнае захворванне. 

У межах артыкула 342 КК Кірыла Пальчэўскага прызналі вінаватым у тым, што 13 верасня 2020 года ён з 13.59 да 19.20 прыняў удзел у дзеяннях, якія груба парушаюць грамадскі парадак. Згодна з абвінавачаннем, ён дзейнічаў з карыслівых памкненняў, а таксама па папярэдняй змове з групай асобаў: выкрыкваў лозунгі, гучна пляскаў у далоні, рухаўся ў счэпцы, парушаў права прыстойных грамадзян на спакойнае жыццё. 

Актуальнае месцазнаходжанне ўдакладняецца.

Мужчыну з псіхічным захворваннем асудзілі да трох гадоў і аднаго месяца калоніі

7 верасня суд Маскоўскага раёна горада Мінска прысудзіў 22-гадоваму Кірылу Пальчэўскаму тры гады і адзін месяц пазбаўлення волі ў калоніі агульнага рэжыму паводле арт.342 і арт.415. Пальчэўскі — чалавек, які мае псіхічнае захворванне.