Канстанцін Сяргеевіч Саламіюк затрыманы ў кастрычніку 2023 году паводле арт. 368 ч. 1 (абраза Лукашэнкі) Крымінальнага кодэксу і змешчаны пад варту ў СІЗА-7.

Праграміст з Брэста. Апошнім часам жыў у Польшчы. Затрыманы пасля прыезду ў Беларусь. 8 лістапада 2023 у блізкім да Берасцейскага ГУБАЗа тэлеграм-канале выйшла "пакаяннае відэа" з мужчынам, дзе ён казаў што затрыманы за "шматлікія абразлівыя каментары".

14 лютага 2024 года суд Маскоўскага раёна Берасця разгледзеў крымінальную справу супраць Канстанціна. Суд праходзіў у будынку брэсцкага СІЗА, справу разглядала Марына Скалковіч. Яго асудзілі на два гады пазбаўлення волі.

Паводле папярэдніх звестак, да суда мужчыну прад'яўлялі яшчэ і арт. 369 Крымінальнага кодэкса (абраза прадстаўнікоў улады), але з-за тэрмінаў даўнасці, якія выйшлі, гэты артыкул знялі. У выніку Канстанціна судзілі за некалькі інтэрнэт-каментароў. У іх, паводле версіі абвінавачвання, негатыўна ацэньваўся Лукашэнка.

Брэсцкі абласны суд 23 красавіка 2024 г. разгледзіць апеляцыйную скаргу палітвязня. Рашэнне будзе прымаць судовая калегія пад старшынствам суддзі Андрэя Сіза.

Палітвязня асудзілі на два гады калоніі за каментары пра Лукашэнку

14 лютага 2024 года суд Маскоўскага раёна Берасця разгледзеў крымінальную справу супраць 40-гадовага палітвязня Канстанціна Саламіюка. Суд праходзіў у будынку брэсцкага СІЗА, справу разглядала Марына Скалковіч.