Кацярына Макарэвіч

Былая палітзняволеная

Дата нараджэння: 11 ліпеня 1994

Дата затрымання: 20 верасня 2021

Прад'яўленыя абвінавачванні:

  • арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх
  • ч. 2 арт. 339 Крымінальнага кодэкса — Хуліганства, здзейсненае групай асобаў

Вынік суда: 3 гады і 6 месяцаў

Від пакарання: пазбаўленне волі ў калоніі ва ўмовах агульнага рэжыму

Дата вызвалення: 20 жніўня 2024

Суддзя: Зубеня Міхаіл

Іншыя пазнакі: Памілаванне / амністыя

Справы: Пратэсты Віцебск

Заява аб прызнанні палітзняволенай

Сімвалічны(ая) хросны(ая): Карстэн Хонге, дэпутат дацкага парламента

Кацярына Макарэвіч

Кацярына Юр'еўна Макарэвіч — галоўная бухгалтарка, была затрымана напрыканцы верасня 2021 года.

Кацярыне было прад'яўлена абвінавачванне паводле ч. 1 арт. 342 КК (Арганізацыя і падрыхтоўка дзеянняў, якія груба парушаюць грамадскі парадак) і ч. 2 арт. КК 339 (Хуліганства, здзейсненае групай асобаў). Дзяўчыну змясцілі ў СІЗА.

У судзе Віцебскага раёна 25 красавіка 2022 года пачаўся разгляд крымінальнай справы. 20 траўня суддзя Міхаіл Зубеня прызнаў Кацярыну вінаватай і прызначыў ёй пакаранне: пазбаўленне волі тэрмінам на 3 гады і 6 месяцаў у калоніі агульнага рэжыму.

15 жніўня 2022 г. Кацярыну этапавалі з СІЗА-2 у гомельскую калонію № 4.

Выйшла на волю 20 жніўня 2024 г. па памілаванні.

Вынесеныя суровыя прысуды ўдзельнікам "віцебскіх перформансаў"

Кацярына Макарэвіч раскайваецца і ўвесь час плача: “Хачу каб нашае грамадства жыло і міры і згодзе. Хачу займацца любімай працай, Я не здымаю з сябе адказнасці. Мае блізкія таксама церпяць і перажываюць за мяне. Дайце шанец клапаціцца пра маці. Ёй трэба аплочваць мае крэдыты. Мне сорамна перад сваімі блізкімі. Кожны чалавек можа зрабіць памылку, але ён яе можа выправіць”.

Ад двух да шасці гадоў калоніі: дзяржабвінавачванне запрасіла тэрміны для ўдзельнікаў "віцебскіх перформансаў"

Дзяржабвінаваўца ў судовых спрэчках спыніўся на тым, што злоснае хуліганства — з’ява асабліва небяспечная, асабліва калі здзяйсняецца па матывах палітычнай, ідэалагічнай і сацыяльнай варожасці

Віцебск: у судзе за “экстрэмісцкія перформансы” дапыталі сведкаў і абвясцілі тайм-аут

У судзе Віцебскага раёна 5 траўня працягваўся разгляд крымінальнай справы, заведзенай адразу па некалькіх артыкулах Крымінальнага кодэксу на чатырох мясцовых жыхароў за “экстрэмісцкія перформансы”.

У Віцебску працягваецца судовы працэс над удзельнікамі "экстрэмісцкіх перформансаў”

Кацярына Макарэвіч цалкам прызнала сваю віну ва ўдзеле ў акцыі пратэсту ў Віцебску 6 верасня 2020 года. Прызналася, што чула, але праігнаравала патрабаванні супрацоўнікаў міліцыі аб спыненні супрацьпраўных дзеянняў. Іншых абвінавачаных, апроч Арцёма Латышава, не ведае. Была ўдзельніцай чату “Голас віцебскіх двароў”, які, як бачна, іх і аб’ядноўваў.

У Віцебску чатырох палітвязняў судзяць за “экстрэмісцкія перформансы”

Паводле матэрыялаў следства, група праводзіла лакальныя акцыі, а свае, так званыя "дасягненні", здымалі на відэа. Ролікі яны публікавалі ў адкрытым доступе ў Інтэрнэце для ўсеагульнага агляду з мэтай прыцягнення ўвагі і фарміравання масіва пераймальнікаў. Свае дзеянні каардынавалі з дапамогай групавых чатаў.

Палітвязні знаходзяцца па адрасах:

      Паказаць больш

      Апошнія навіны

      Больш навінаў
      Падтрымаць «Вясну»