Кацярына Валер'еўна Гібкая была затрымана 21 кастрычніка 2021 года і да сярэдзіны снежня ўтрымлівалася ў СІЗА КДБ у межах крымінальнай справы аб тэрарызме. Затым абвінавачванне перакваліфікавалі на арт. 342 Крымінальнага кодэксу — Арганізацыя і актыўны ўдзел у групавых дзеяннях, што груба парушаюць грамадскі парадак.

14 траўня 2022 г. суд Ленінскага раёна прызнаў Кацярыну вінаватай і асудзіў да 1 года і 6 месяцаў пазбаўлення волі ў калоніі агульнага рэжыму. Пры гэтым Кацярыне не залічылі ў тэрмін дні, якія яна правяла ў СІЗА КДБ — два месяцы зняволення. Таму ў тэрмін адбытага пакарання ёй залічылі дні з 16 снежня, калі яе перавялі ў СІЗА-1. 

На пачатку чэрвеня 2022 г. стала вядома, што палітзняволеную перавялі з СІЗА-1 у гомельскі СІЗА-3. У жніўні яе этапавалі ў ПК № 4.

Кацярына цалкам адбыла пакаранне і выйшла на волю 20 лютага 2023 г.

Палітзняволеных асудзілі да калоніі, але не залічылі ім у тэрмін два месяцы, якія яны правялі ў СІЗА КДБ

Былога міжнароднага сакратара БСДП Уладзіміра Севярына разам з ягонай дзяўчынай Кацярынай Гібкай затрымалі 21 кастрычніка 2021 года і да сярэдзіны снежня ўтрымліваліся ў СІЗА КДБ у межах крымінальнай справы аб тэрарызме.