Юлія Есіс
Былая палітзняволеная
Дата нараджэння: 30 ліпеня 1995
Дата затрымання: 31 сакавіка 2022
Прад'яўленыя абвінавачванні:
- арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх
Вынік суда: 3 гады
Від пакарання: абмежаванне волі без накіравання ў папраўчую ўстанову адкрытага тыпу ("хатняя хімія")
Дата пачатку адбыцця пакарання: 10 лістапада 2022
Справы: Пратэсты Мінск
Юлія Андрэеўна Есіс (ранейшае прозвішча — Каценя) была затрымана 31 сакавіка 2022 года. Спачатку дзяўчыну асудзілі на 15 сутак адміністрацыйнага арышту і змясцілі ў ІЧУ на Акрэсціна, а пасля перазатрымалі па крымінальнай справе аб групавых дзеяннях, што груба парушаюць грамадскі парадак (арт. 342 Крымінальнага кодэксу), і перавялі ў СІЗА-1.
20 ліпеня 2022 г. палітзняволеную асудзілі да трох гадоў абмежавання волі з накіраваннем у папраўчую ўстанову адкрытага тыпу і вызвалілі ў зале суда.
Юлія адбывала пакаранне ў віцебскай ПУАТ № 10.
16 сакавіка 2023 г. адбыўся суд па справе Юліі. Алена Грабянчук пастанавіла прызначыць Юліі пакаранне без накіравання ў ПУАТ ("хатнюю хімію").
