Юлія Гарачка — валанцёрка, актывістка грамадскай арганізацыі "Наш дом" з Мінску. Яна затрымана па крымінальнай справе аб групавых дзеяннях, якія груба парушаюць грамадскі парадак (ч. 1. арт. 342 Крымінальнага кодэксу). Да суда ўтрымлівалася ў СІЗА-1.

4 лютага 2022 пракуратура накіравала справу Юліі ў суд.

У судзе Савецкага раёна Мінска 10 сакавіка 2022 пачаўся разгляд крымінальнай справы Юліі Гарачкі. Справу разглядаў суддзя Сяргей Шаціла. 16 сакавіка быў вынесены прысуд: суд прызнаў яе вінаватай і прызначыў пакаранне ў выглядзе пазбаўлення волі на тэрмін 1 год з адбываннем пакарання ў папраўчай калоніі ва ўмовах агульнага рэжыму.

Прысудам суда быў залічаны ў тэрмін адбывання пакарання час затрымання, а таксама час утрымання абвінавачанай пад вартай, таму пакаранне па прысудзе палічылі адбытым, а сама Юлія была вызваленая з-пад варты ў зале суда.

Юлю Гарачка асудзілі да года калоніі, але вызвалілі з-пад варты па прычыне адбыцця пакарання

Мера стрымання абвінавачанай Г. у выглядзе заключэння пад варту змененая на падпіску аб нявыездзе і належных паводзінах, абвінавачаная вызваленая з-пад варты ў зале суда.

Суд над актывісткай Юляй Гарачка: ажыццяўляла кампенсацыю і аплату штрафаў і іншых выдаткаў ахвярам рэпрэсій

У матэрыялах справы фігуруюць не менш за 178 чалавек, а агульная сума кампенсацый перавысіла 141 тысяч рублёў.

Грамадскай дзейнасцю пачала займацца ў 12 гадоў. Гісторыя палітзняволенай Юліі Гарачка

"Мама, я павінна ўдзельнічаць у гэтай кампаніі, бо гэта мая краіна, мая радзіма, і я не магу нідзе быць, калі тут вырашаецца лёс маёй краіны". Юлія Гарачка — актывістка і праваабаронца, у тым ліку ініцыятывы “Наш дом” — была затрымана 14 ліпеня па крымінальнай справе.