Юлія Алегаўна Чамлай была затрыманая ў Крупках па крымінальнай справе, узбуджанай за каментары ў інтэрнэце пасля гібелі ў мінскай кватэры супрацоўніка КДБ Дзмітрыя Федасюка і it-спецыяліста Андрэя Зельцэра. Працуе ў дзіцячай бібліятэцы.

Вядома, што Юлія праходзіць па крымінальнай справе па артыкулах 369 КК (Абраза прадстаўніка ўлады) і 130 КК (Распальванне сацыяльнай варожасці ці варажнечы).

20 чэрвеня 2022 г. КДБ унёс Юлію ў спіс "асобаў, датычных да тэрарыстычнай дзейнасці".

11 ліпеня 2022 г. у Мінскім абласным судзе распачаўся разгляд справы. 18 ліпеня суддзя Анатоль Дабрадзей вынес прысуд: прызнаць вінаватай і пакараць пазбаўленнем волі ў калоніі агульнага рэжыму тэрмінам на два гады.

У кастрычніку 2022 г. Юлію этапавалі з жодзінскай Турмы № 8 у гомельскую жаночую ПК № 4.

Палітзняволеная цалкам адбыла пакаранне і 30 сакавіка 2023 г. выйшла на свабоду.

Два гады калоніі прысудзілі Юліі Чамлай за каментары на адрас супрацоўніка КДБ па "справе Зельцэра"

Мінскі абласны суд 18 ліпеня вынес прысуд па чарговай крымінальнай справе, звязанай з каментарамі на адрас загінулага супрацоўніка КДБ па “справе Зельцэра”. На гэта раз судзілі палітзняволеную бібліятэкарку з Крупак Юлію Чамлай.

"Няправільна спачуваў": родныя і праваабаронцы пра затрыманых за каментары ў Сетцы

"Юля добрая і сумленная, у ёй яшчэ жывуць, я б сказала, юнацкія ідэалы, калі верыш у любоў, дабро і справядлівасць. Летась сястра скончыла ўніверсітэт у Віцебску, атрымала дыплом мастачкі-выкладчыцы, але працуе па першай спецыяльнасці ў дзіцячай бібліятэцы, выхоўвае сына", — распавяла сястра Юліі Чамлай.