Яўген Нарэйка
Дата нараджэння: 2 чэрвеня 1983
Дата затрымання: 20 студзеня 2022
Прад'яўленыя абвінавачванні:
арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх
арт. 366 Крымінальнага кодэкса — Гвалт альбо пагроза ў дачыненні да службовай асобы, якая выконвае службовыя абавязкі, ці іншай асобы, якая выконвае грамадскі абавязак
арт. 130 Крымінальнага кодэкса — Распальванне варожасці ці варажнечы
Вынік суда: 4 гады
Від пакарання: пазбаўленне волі ў калоніі ва ўмовах узмоцненага рэжыму
Суддзя: Бачышча Алена
Месца зняволення: ПК № 17
Заява аб прызнанні палітвязнем
Яўген Генадзьевіч Нарэйка быў затрыманы 20 студзеня 2022 года. Мужчыну прад'явілі абвінавачванне па трох артыкулах Крымінальнага кодэксу: арт. 366 КК (Гвалт альбо пагроза гвалтам у дачыненні да службовай асобы), арт. 130 КК (Распальванне сацыяльнай варожасці) і па арт. 342 КК (Групавыя дзеянні, што груба парушаюць грамадскі парадак).
У чэрвені 2022 г. у Мінскім абласным судзе ў закрытым рэжыме суддзя Алена Бачышча асудзіла Яўгена на 4 гады калоніі ўзмоцненага рэжыму.
28 чэрвеня 2022 г. КДБ уключыў палітвязня ў спіс "асобаў, датычных да тэрарыстычнай дзейнасці".
Палітвязень утрымліваўся ў Турме № 4, пасля адбываў пакаранне ў ПК № 17. Вядома, што ў лістападзе на Яўгена распачалі новую крымінальную справу, яго перавялі ў жодзінскую СТ № 8.
У траўні 2023 г. Яўгена зноў перавялі ў ПК № 17, дзе ён цяпер і ўтрымліваецца.
