Яўген Аляксандравіч Гурынаў быў затрыманы 13 верасня 2022 года і пазней змешчаны пад варту ў межах крымінальнай справы за ўдзел у акцыях пратэсту (арт. 342 Крымінальнага кодэксу).

Яўген працаваў каардынатарам праектаў Фонду развіцця і падтрымкі арменазнаўчых даследаванняў "Аніў". За ўдзел у праекце яго і іншых удзельнікаў узнагародзілі медалём "Маршал Баграмян", адной з найбольш ганаровых узнагарод Арменіі.

29 снежня 2022 года ў судзе Першамайскага раёна Мінска Яўгена прызналі вінаватым паводле ч. 1 арт. 342 Крымінальнага кодэкса ("Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх") і асудзілі да двух з паловай гадоў абмежавання волі без накіравання ў ПУАТ. Палітвязня вызвалілі ў зале суда.