Яраслаў Васільевіч Казакевіч — жыхар Оршы, які, згодна з матэрыяламі справы,  8 снежня 2022 года на чыгуначным вакзале станцыі "Орша-Цэнтральная" зняў відэа эшалона з расейскай вайсковай тэхнікай. Затым адразу з электрычкі адправіў яго ў Telegram-канал, інфармацыйная прадукцыя якога была прызнаная экстрэмісцкімі матэрыяламі.

На наступны дзень, 9 снежня 2022 года, Яраслаў быў затрыманы супрацоўнікамі міліцыі і судом Аршанскага раёна арыштаваны на 15 сутак за выраб і распаўсюд экстрэмісцкіх матэрыялаў. На волю ён больш не выйшаў: Яраславу выставілі абвінавачванне ў садзейнічанні экстрэмісцкай дзейнасці паводле ч. 1 арт. 361-4 Крымінальнага кодэкса. 

Справу палітзняволенага разглядалі ў Віцебскім абласным судзе. Суддзя Галіна Бондал 4 красавіка 2023 г. пастанавіла прызначыць Яраславу Казакевічу пакаранне ў выглядзе пазбаўлення волі на тэрмін два гады з адбываннем у папраўчай калоніі ва ўмовах агульнага рэжыму.

6 чэрвеня 2023 г. у Вярхоўным судзе была разгледжана апеляцыйныя скарга палітзняволенага.

23 чэрвеня 2023 года быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

Утрымліваўся ў СІЗА-2. 

Выйшаў на волю восенню 2024 г.

«Калі заўважыў вайсковую тэхніку, зняў яе на мабільны тэлефон, і ў цягніку адправіў відэа "экстрэмістам"»

Падчас допыту ў Аршанскім міжраённым аддзеле Следчага камітэта падазраваны распавёў следчаму, што падпісаны на розныя экстрэмісцкія Telegram-каналы, бачыў публікацыі з падобнымі відэа і фатаграфіямі. Калі заўважыў вайсковую тэхніку, зняў яе на мабільны тэлефон, і ўжо ў цягніку адправіў відэа "экстрэмістам".