Яніна Сцяпанаўна Малаш — актывістка Свабоднага прафсаюза металістаў, была затрыманая 19 красавіка 2022 года, пасля допыту на волю не выйшла. Яніну змясцілі ў СІЗА і прад'явілі ёй абвінавачванне. Паводле папярэдніх звестак, дзяўчыне ставяць у віну ч. 1 арт. 342 Крымінальнага кодэксу (Групавыя дзеянні, якія груба парушаюць грамадскі парадак).

На волі Яніну чакае дачка.

Утрымлівалася ў СІЗА КДБ, пасля была пераведзеная ў СІЗА-1.

У судзе Маскоўскага раёна Мінска 15 лістапада 2022 г. вынеслі прысуд палітзняволенай: яе прызналі вінаватай і прызначылі адзін год і шэсць месяцаў зняволення ў калоніі.

27 студзеня 2023 г. у Мінгарсудзе разгледзелі апеляцыйную скаргу палітзняволенай на прысуд.

10 лютага 2023 г. МУС дадала палітзняволеную ў "спіс экстрэмістаў".

Яніна адбывае пакаранне ў гомельскай ПК № 4.

27 траўня 2023 г. палітзняволеная выйшла на волю, цалкам адбыўшы тэрмін.

Прафсаюзнай актывістцы прызначылі 1,5 года калоніі паводле "народнага" артыкула

Крымінальную справу супраць Малаш пачалі разглядаць 14 лістапада, а на наступны дзень суддзя Сяргей Кацэр вынес ёй прысуд.

Палітзняволеная Яніна Малаш: жанчына з "велізарным сэрцам" і характарам "як быццам сапраўдны танк"

Дачку яна выхоўвае паводле сваіх жа прынцыпаў: дзяўчынка расце копіяй Яніны па характары — жанчына вучыць яе быць самастойнай і разлічваць толькі на сябе. Яніна з тых, хто супраць таго, каб браць грошы ў бацькоў, для яе каштоўныя самастойнасць і здольнасць людзей браць адказнасць за сваё жыццё.