Ягор Уладзіміравіч Жукаў быў асуджаны судом Маскоўскага раёна Брэста 23 жніўня 2023. Ягора абвінавацілі паводле арт. 370 КК (Здзек над дзяржсімваламі). Суддзёй на працэсе выступаў Яўген Брэган, дзяржабвінаваўца — Мельнікаў.

Ягор абвінавачваўся ў тым, што ў ноч з 2 на 3 ліпеня сарваў сцяг з крамы «Еўраопт». Як тлумачыў хлопец, ён быў нецвярозы, ішоў з сябрамі. Убачыў сцяг, падскочыў, зачапіўся за дрэўка. Дрэўка сцяга нечакана зламалася, яго рэшткі засталіся вісець на сцяне. Ён з сябрамі сышоў з месца здарэння. 3 ліпеня Ягора затрымалі супрацоўнікі міліцыі і да суда змясцілі пад варту. На судзе пракурор агучыў суму «шкоды» ад дзеянняў Жукава: 21 рубель. 

У выніку Ягору прысудзілі 3 месяцы арышту.

Вызвалены па сканчэнні тэрміну ў кастрычніку 2023 г. 

Брест: очередной суд за сорванный госфлаг

До суда молодого человека посадили под стражу