Іван Міхайлавіч Гаўрылаў быў асуджаны па ч. 1 арт. 342 Крымінальнага кодэкса (Удзел у групавых дзеяннях, якія груба парушаюць грамадскі парадак) за ўдзел у пратэстах у жніўні 2020 года. 

Згодна з матэрыяламі следства, Іван Гаўрылаў і Аляксей Дудко разам з іншымі жыхарамі Жлобіна прымалі актыўны ўдзел у масавых акцыях пратэсту, якія адбыліся ў Жлобіне 9-10 жніўня 2020 года. На заклікі супрацоўнікаў міліцыі спыніць супрацьпраўныя дзеянні не рэагавалі, выкрыквалі лозунгі, груба парушалі грамадскі парадак і заміналі працы грамадскага транспарту і грамадскіх устаноў.

Суддзя Яўген Ерафееў асудзіў Гаўрылава і Дудко да абмежавання волі ў папраўчай установе адкрытага тыпу тэрмінам на два з паловай гады кожнага. Адбываў тэрмін у ПУАТ № 9.

Выйшаў на волю 29 верасня 2024 г. 

У Жлобіне працягваюць караць за жнівеньскія падзеі 2020 года: яшчэ двое юнакоў асуджаны да "хіміі"

За арганізацыю і падрыхтоўку дзеянняў, якія груба парушаюць грамадскі парадак, альбо актыўным ўдзеле у іх (ч.1 арт. 342 Крымінальнага кодэкса) суд Жлобінскага раёна асудзіў яшчэ двух чалавек у сувязі з пратэстамі пасля прэзідэнцкіх выбараў 2020 г.