Ірына Аляксандраўна Бут-Гусаім — бухгалтарка офіса Беларускага кангрэсу дэмакратычных прафсаюзаў. Яе затрымалі 19 красавіка 2022 года ў межах крымінальнай справы і змясцілі ў СІЗА-1. Ірыне выставілі абвінавачванне паводле ч. 1 арт. 342 Крымінальнага кодэксу (Групавыя дзеянні, якія груба парушаюць грамадскі парадак).

У Мінскім гарадскім судзе 20 снежня 2022 г. пачаўся разгляд справы. 26 снежня быў вынесены прысуд: Ірыне прызначылі паўтара года пазбаўлення волі ў калоніі ва ўмовах агульнага рэжыму. Менавіта столькі патрабаваў бок абвінавачання.

Разгляд апеляцыйнай скаргі палітзняволенай адбыўся ў Вярхоўным судзе 24 сакавіка 2023 г.: прысуд пакінулі без зменаў.

21 красавіка 2023 г. МУС унесла палітзняволеную ў "спіс экстрэмістаў".

На пачатку траўня 2023 года Ірына выйшла на волю, адбыўшы пакаранне.

Вынесены прысуд кіраўнікам Беларускага кангрэсу дэмакратычных прафсаюзаў

Іх абвінавацілі у дзеяннях, якія груба парушаюць грамадскі парадак (ч.1 арт 342), а Ярашука таксама ў закліках да мер абмежавальнага характару, іншых дзеяннях, накіраваных на прычыненне шкоды нацыянальнай бяспецы Рэспублікі Беларусь (ч.3 арт. 361).

Кіраўнікам Беларускага кангрэсу дэмакратычных прафсаюзаў абвінаваўца ў судзе запрасіў пазбаўленне волі

23 снежня ў судовым пасяджэнні абвінаваўца прасіў суд пакараць Ірыну Бут-Гусаім пазбаўленнем волі тэрмінам на паўтара года, Сяргея Антусевіча на два гады і Аляксандра Ярашука — на чатыры гады пазбаўлення волі ва ўмовах агульнага рэжыму.