Ілля Вітальевіч Трахтэнберг — адлічаны студэнт другога курса матэматычнага факультэту БДУ, гулец “Што? Дзе? Калі?”. Ілля браў удзел у забастоўцы і іншых студэнцкіх актыўнасцях.

12 лістапада 2020 года да яго дадому прыйшлі з вобшукам, пасля чаго затрымалі ў межах крымінальнай справы па ч. 1 арт. 342 КК РБ (Арганізацыя альбо ўдзел у групавых дзеяннях, якія груба парушаюць грамадскі парадак).

Іллі прад’яўлена абвінавачванне. Спачатку яго змясцілі пад варту ў СІЗА КДБ, затым перавялі ў СІЗА-1.

У судзе Савецкага раёна Мінска 16 ліпеня 2021 агучылі прысуд па “справе студэнтаў”: суддзя Марына Фёдарава прызначыла Іллю Трахтэнбергу 2 гады і 6 месяцаў зняволення. 

У канцы лістапада 2021 стала вядома, што Іллю ў калоніі пазбавілі трох спатканняў. У красавіку 2022 хлопца на 10 сутак змяшчалі ў ШІЗА. У чэрвені 2022 стала вядома, што Іллю пазбавілі рэжымнай перадачы, якую бацькі мусілі адвезці ў жніўні. За ўвесь час у калоніі хлопца паспелі ўжо пазбавіць трох рэжымных перадач, трох спатканняў і зменшылі атаварку з пяці да дзвюх базавых велічыняў у месяц.

Ілля цалкам адбыў пакаранне і 30 лістапада 2022 г. выйшаў на волю з ПК № 15.

Віталь Трахтэнберг: Сын не падпісваў ніякіх папер ці прашэнняў аб памілаванні

Ілля марыць атрымаць адукацыю архітэктара і працягнуць дынастыю. Ягоны прадзед, вядомы архітэктар Навум Трахтэнберг, фактычна адбудоўваў пасляваенны Мінск — распрацоўваў генплан сталіцы, а таксама іншых гарадоў. Пасля школы Ілля паступаў на архітэктуру ў Пецярбург, але не прайшоў, таму вярнуўся ў Мінск і пайшоў на мехмат у БДУ.

Вынесены прысуд па “справе студэнтаў”: 11 фігурантам — па два з паловай гады калоніі, аднаму — два гады

У судзе Савецкага раёна Мінска 16 ліпеня 2021 г. агучылі прысуд па “справе студэнтаў”.

"Таму і па сотні іншых прычын маім апошнім словам будзе — свабода"

12 ліпеня ў судзе Савецкага раёна г. Мінска прайшлі спрэчкі бакоў у працэсе па "справе студэнтаў", пасля чаго палітвязні выступілі з апошнім словам.

"Прад'яўленае абвінавачванне складана разабраць нават юрысту". У судзе па "справе студэнтаў" працягнуліся спрэчкі бакоў

12 ліпеня ў судзе Савецкага раёна г. Мінска працягваюцца спрэчкі бакоў у працэсе па "справе студэнтаў".

"Ад далейшага лёсу гэтых маладых людзей залежыць і наш з вамі". У судзе па "справе студэнтаў" пачаліся спрэчкі бакоў

9 ліпеня ў судзе Савецкага раёна г. Мінска пачаліся спрэчкі бакоў па "справе студэнтаў".

«Хацелася б пабачыць доказы». На працэсе па «справе студэнтаў» скончаны допыт абвінавачаных

7 ліпеня ў судзе Савецкага раёна г. Мінска працягнуўся допыт абвінавачаных па «справе студэнтаў».

"Я за мірную і квітнеючую Беларусь". У судзе па "справе студэнтаў" дапыталі частку абвінавачаных

У судзе Савецкага раёну Мінску 1 і 2 ліпеня крымінальны працэс па "справе студэнтаў" працягваўся допытам абвінавачаных.

"Студэнты — галоўнае капіталаўкладанне нашай краіны". Відэазвароты супраць гвалту сталі рэчавымі доказамі ў судзе

На пасяджэнні 25 чэрвеня праглядалі відэа і слухалі запісы размоў студэнтаў па тэлефонах ды праз інтэрнэт, запісаныя КДБ. А першыя дзве гадзіны праглядалі відэа акцый, якія летась праходзілі ў Беларускім дзяржаўным універсітэце інфарматыкі і радыёэлектронікі.

"Студэнтаў забіраюць проста з заняткаў, выкладчыкаў звальняюць". На судзе над студэнтамі гучыць іх перапіска

Ужо некалькі дзён, як суд вывучае матэрыялы справы. 22 чэрвеня пракуроры пачалі зачытваць матэрыялы 19-га тома справы і за дзень дабраліся да 25-га.

"Гэта структура, якая самаарганізуецца, самая актыўная і разумная". У судзе працягваецца разгляд "справы студэнтаў"

Пасля працяглага перапынку ў судзе Савецкага раёну Мінску аднавіўся разгляд крымінальнай «справы студэнтаў». Паўза ў працэсе была звязана з каранцінам у камеры спачатку Ягора Канецкага, а затым — Касі Будзько.

"Хто спявае, той і ўдзельнічае". Што яшчэ кажуць сведкі на судзе па "справе студэнтаў"

25 мая ў выязным пасяджэнні суд Савецкага раёна працягнуў разгляд крымінальнай "справы студэнтаў" у дачыненні да 10 навучэнцаў сталічных ВНУ, выпускніцы БДМУ і выкладчыцы БДУІР.

Яшчэ адзін дзень сведчанняў у судзе па "справе студэнтаў"

На судовым пасяджэнні 24 траўня ў якасці сведак былі дапытаныя кіраўнікі і выкладчыкі БНТУ і БДАІ, а таксама прадстаўнікі Мінсктранса.

"Яны паводзілі сябе не агрэсіўна. Ды і наогул, яны ж дзеці". У судзе працягваецца допыт сведкаў па "справе студэнтаў"

21 траўня ў судзе працягнуўся допыт прадстаўнікоў універсітэтаў у якасці сведак.

"Было адчуванне: яшчэ трохі і мяне павядуць на расстрэл". Пра што сведчаць прадстаўнікі ВНУ па "справе студэнтаў"

19 і 20 траўня суд Савецкага раёну працягваў разгляд крымінальнай справы ў дачыненні да 10 студэнтаў, выпускніцы і выкладчыцы сталічных вну.

Чацвёрты дзень суда па "справе студэнтаў": як выкладчыкі выступаюць сведкамі

18 траўня суд Савецкага раёна на выязным пасяджэнні ў Доме правасуддзя працягвае разглядаць крымінальную "справу студэнтаў".

На судзе па "справе студэнтаў" выступаюць сведкі — прадстаўнікі адміністрацыі БДУ

17 траўня ў працэсе ў палітвязняў спыталі, ці прызнаю яны сваю віну. Кася Будзько і Яна Арабейка сказалі, што сутнасць абвінавачвання ім незразумелая, Глеб Фіцнер прызнаў віну, астатнія фігуранты справы сваю віну не прызналі.

"Справа студэнтаў". У абвінавачванні змяшаліся санкцыі ЕC і ЗША, Ціханоўская, парушэнне працы ВНУ і транспарту

У Мінску працягваецца працэс па "справе студэнтаў". 12 фігурантаў судзяць за арганізацыю пратэстаў, якія пасля выбараў праходзілі ва ўніверсітэтах, піша TUT.BY.

Суд па "справе студэнтаў": у залу пусцілі толькі родных, некаторых з групы падтрымкі затрымалі

Раніцай 14 траўня каля Дому правасуддзя сабралася шмат людзей, якія прыйшлі на суд па так званай "справе студэнтаў". Аднак нават у будынак суда пускалі толькі блізкіх сваякоў і дзяржаўныя СМІ. Нават бабуль і дзядуляў абвінавачаных не пусцілі ў залу суда нібыта праз недахоп месцаў.

Справа студэнтаў — артыкул 342. Частка першая

12 лістапада стала чорным чацвяргом беларускага студэнцтва: у гэты дзень былі затрыманыя адразу дзесяць моладзевых актывістаў і актывістак, студэнтаў і студэнтак розных ВНУ Беларусі (ці тыя, каго ўжо паспелі адлічыць пасля восеньскіх акцый пратэсту). Ім прад’яўлена абвінавачанне па артыкуле 342 Крымінальнага кодэксу, яны прызнаныя палітвязнямі. Пра ўсіх іх і кожнага з іх – гэты тэкст.