Ілля Міхайлавіч Піражкоў — жыхар Мінска, 29 снежня 2020 года асуджаны на 3 гады абмежавання волі з накіраваннем у папраўчую ўстанову ("хімія") паводле ч. 1 арт. 342 Крымінальнага кодэксу (Актыўны ўдзел у групавых дзеяннях, якія груба парушаюць грамадскі парадак). 

Справа на Іллю была распачатая паводле падзеяў 23 верасня 2020 г. у мінскім мікрараёне Серабранка. Хлопца абвінавацілі ў тым, што ён нібыта блакаваў дарогу і тым самым замінаў руху транспарту. 

Ілля адбываў пакаранне ў папраўчай установе адкрытага тыпу № 43 у Магілёве.

29 лістапада 2022 г. у Ленінскім судзе Магілёва адбыўся суд па замене палітвязню рэжыму адбывання пакарання: Іллю перавялі ў калонію на шэсць месяцаў.

Палітвязня змясцілі ў магілёўскую ПК № 15.

У сярэдзіне траўня 2023 г. стала вядома, што палітвязень выйшаў на волю, цалкам адбыўшы тэрмін.

За перакрыццё дарогі ў Серабранцы адзін з удзельнікаў асуджаны да трох гадоў "хіміі"

29 снежня 2020 года суд Ленінскага раёна абвясціў прысуд у дачыненні да Іллі П., якога абвінавачвалі паводле ч. 1 арт. 342 Крымінальнага кодэкса за перакрыцце праезнай часткі ў сталічным мікрараёне Серабранка 23 верасня 2020 года.

Суд пачаў разглядаць другую справу па блакаванні дарог у сталічнай Серабранцы

У судзе Ленінскага раёна Мінска пачаўся разгляд крымінальнай справы ў дачыненні да 18-гадовага Іллі П., якога вінавацяць па ч. 1 арт. 342 Крымінальнага кодэкса за падзеі 23 верасня 2020 года.