Ігар Пазнякоў

Дата нараджэння: 17 ліпеня 1970

Дата затрымання: 30 верасня 2021

Прад'яўленыя абвінавачванні:

арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх

Вынік суда: 2 гады і 6 месяцаў

Від пакарання: абмежаванне волі з накіраваннем у папраўчую ўстанову адкрытага тыпу ("хімія")

Дата пачатку адбыцця пакарання: 7 красавіка 2022

Дата вызвалення: 27 студзеня 2024

Суддзя: Лабоцкі Віталь

Пракурор: Дайліда Алена

Заява аб прызнанні палітвязнем

Ігар Анатольевіч Пазнякоў — жыхар Гродна, затрыманы 30 верасня 2021 года разам з жонкай Аленай Ягорычавай па крымінальнай справе паводле арт. 342 Крымінальнага кодэкса.

Мужчыну прад'явілі абвінавачванне і змясцілі ў СІЗА, пасля перавялі ў Турму №1. 

Суд Кастрычніцкага раёна Гродна 30 снежня 2021 пачаў разгляд крымінальнай справы паводле ч. 1 арт. 342 КК у дачыненні да юрысткі Алены Ягорычавай і слесара Ігара Пазнякова.

3 лютага 2022 быў вынесены прысуд: суддзя Віталь Лабоцкі прызнаў Ігара Пазнякова вінаватым і прызначыў яму пакаранне ў выглядзе абмежавання волі тэрмінам два з паловай гады ва ўстанове адкрытага тыпу (ПУАТ № 49). 

Вызвалены 27 студзеня 2024 г. 

Сям'ю з Гродна пакаралі за ўдзел у вераснёўскім маршы 2020 года вялікімі тэрмінамі

Як адзначала на судзе адвакатка, Пазнякоў — просты чалавек, сем'янін, які мае пастаяннае месца працы, дзяцей, бацькоў, аб якіх трэба ажыццяўляць догляд і клопат.

Палітвязням Ягорычавай і Пазнякову абвінавачванне просіць па два з паловай гады: жонцы — калоніі, мужу — "хіміі"

Прысуд павінен быць агучаны 24 студзеня, аднак па прычыне хваробы суддзі судовае пасяджэнне перанесенае на нявызначаны тэрмін.

У Гродне сямейную пару судзяць за "счэпку" на Маршы адзінства

Паводле абвінавачвання, Алена Ягорычава і Ігар Пазнякоў 6 верасня 2020 года ў 13.20 па папярэдняй змове паміж сабой і іншымі нявысветленымі падчас следства асобамі, "адчуваючы нянавісць да існуючага палітычнага рэжыму і канстытуцыйнага ладу", прынялі ўдзел у групавых дзеяннях, якія груба парушаюць грамадскі парадак, спалучаныя з відавочным непадпарадкаваннем прадстаўнікам улады на тэрыторыі горада Гродна каля дома 10 па вуліцы Гарнавых, "натхняючы сваімі паводзінамі іншых у мэтах падахвочвання ў іх пачуцця неабходнасці ўдзелу ў несанкцыянаваным масавым мерапрыемстве", выбудаваўшыся ў шэраг і арганізавана узяўшыся за рукі, утварылі "счэпку", дэманструючы свой намер аказваць відавочнае непадпарадкаванне супрацоўнікам міліцыі.

Палітвязні знаходзяцца па адрасах:

      Паказаць больш

      Апошнія навіны

      Больш навінаў
      Падтрымаць «Вясну»