Ігар Анатольевіч Лаптановіч — будаўнік і актывіст з Пружанаў, фігурант крымінальнай справы "карагодаў", узбуджанай пасля акцыі 13 верасня. 

Ігар знаходзіўся на волі ў статусе падазраванай па гэтай справе (па арт. 342 КК — Актыўны ўдзел у групавых дзеяннях, якія груба парушаюць грамадскі парадак). 24 сакавіка яму змянілі меру стрымання і змясцілі пад варту ў СІЗА-7 да суда.

Жонка Ігара Юлія — таксама фігурантка гэтай справы. Яе асудзілі на тры гады абмежавання волі без накіравання ў папраўчую ўстанову адкрытага тыпу, але 13 кастрычніка 2021 года ў яе дома прайшоў ператрус і затым яе затрымалі ў межах крымінальнай справы. У сям'і трое дзяцей.

У судзе Маскоўскага раёна Брэста 4 жніўня 2021 г. вынеслі прысуды сёмай групе па "карагоднай" крымінальнай справе па ч. 1 арт. 342 Крымінальнага (удзел у дзеяннях, якія груба парушаюць грамадскі парадак). Палітвязня па "справе карагодаў" Ігара Лаптановіча асудзілі да 2,5 гадоў калоніі.

8 чэрвеня 2023 г. палітвязень выйшаў на волю з ПК № 3, цалкам адбыўшы тэрмін. 

Палітвязня па "справе карагодаў" Ігара Лаптановіча асудзілі да 2,5 гадоў калоніі, а ягоную жонку — да 3 гадоў "хатняй хіміі"

У судзе Маскоўскага раёна Брэста 4 жніўня вынеслі прысуды сёмай групе па "карагоднай" крымінальнай справе па ч. 1 арт. 342 Крымінальнага (удзел у дзеяннях, якія груба парушаюць грамадскі парадак).

Мужа кінулі ў СІЗА, а жонка, вясковая бібліятэкарка з-пад Пружанаў з трыма дзецьмі, таксама падазраваная

Юлія і Ігар Лаптановічы жывуць у вёсцы Белавусаўшчына, што ў Пружанскім раёне. У іх трое дзяцей — 9, 10 і 12 гадоў. Працавітая інтэлігентная сям’я: ён будаўнік, яна бібліятэкарка. У снежні імі зацікавіліся сілавікі — цяпер абое праходзяць як абвінавачаныя па сумна вядомай «карагоднай справе». Мужа забралі ў СІЗА, жонка — пакуль дома пад падпіскай.

«Справа карагодаў» у Брэсце. Што вядома цяпер?

Пасля падзей 13 верасня ў Брэсце, калі супраць пратэстоўцаў, якія на Маршы герояў спявалі і танчылі ў карагодах, быў выкарыстаны вадамёт, была ўзбуджаная крымінальная справа па ч. 1 арт. 342 Крымінальнага кодэкса (Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх). У Брэсце гэтая справа называецца "справа карагодаў". Дзясяткі фігурантаў гэтай крымінальнай справы, вялікая следчая група, палізняволеная Марына Глазава — "Вясна" распавядае, што вядома пра "справу карагодаў" цяпер, праз 1,5 месяцы пасля яе ўзбуджэння.

«Сын плача па вечарах наўзрыд, а я тлумачу – тата не памёр, не кінуў нас, а з турмы ён вернецца»

Шматдзетныя сужэнцы Ігар і Юлія Лаптановічы з-пад Пружанаў – фігуранты «карагоднай» справы. Абодвух абвінавачваюць паводле ч.1 арт.342 КК РБ – арганізацыя ці ўдзел у дзеяннях, якія груба парушаюць грамадскі парадак. Ігар з 24 сакавіка – у СІЗА ў Берасці. Юлія чакае суда на волі. Цяпер утрыманне траіх дзяцей-школьнікаў цалкам на ёй – вясковай бібліятэкарцы. Юлія распавяла «Белсату», як жыве яе сям’я пасля арышту мужа.