Ігар Віктаравіч Арцюх быў затрыманы ў Мінску па крымінальнай справе, распачатай за каментары ў інтэрнэце пасля гібелі it-спецыяліста Андрэя Зельцэра і супрацоўніка КДБ Дзмітрыя Федасюка. 

Вядома, што Ігар праходзіў па крымінальнай справе паводле арт. 369 КК (Абраза прадстаўніка ўлады) і 130 КК (Распальванне варожасці).

Пасля затрымання знаходзіўся ў ІЧУ на Акрэсціна, пасля быў пераведзены ў жодзінскую Турму № 8.

28 ліпеня 2022 г. у Мінскім гарадскім судзе распачаўся разгляд справы. У выніку Ігару выставілі абвінавачванне толькі паводле арт. 130 (Распальванне варожасці). 4 жніўня яму вынеслі прысуд: тры гады калоніі ва ўмовах агульнага рэжыму.

17 лістапада 2022 г. КДБ уключыў палітвязня ў спіс "асоб, якія маюць дачыненне да тэрарызму".

Быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

Ігар адбываў пакаранне ў бабруйскай ПК № 2.

Мусіў выйсці на волю 28 студзеня 2024 г. 

У Мінску па "справе Зельцэра" палітвязня асудзілі да трох гадоў калоніі

Падрабязнасці па справе невядомыя, бо суддзя Жанна Брысіна разглядала яго ў закрытым рэжыме.