Эдуард Сяргеевіч Жданко - жыхар Баранавіцкага раёна, асуджаны на тры з паловай гады пазбаўлення волі ў калоніі агульнага рэжыму па артыкуле аб супраціве супрацоўнікам органаў унутраных спраў (арт. 363 Крымінальнага кодэксу).

Згодна з абвінавачваннем, падчас акцыі пратэсту 9 жніўня Жданко перашкодзіў законнай дзейнасці ваеннаслужачых унутраных войскаў. Ён узяў кавалак тратуранай пліткі і кінуў у бок вайскоўцаў, якія разганялі пратэст, і трапіў аднаму з вайскоўцаў у плячо. Гэта цялеснае пашкоджанне не прывяло до кароткатэрміновага разладу здароўя. 

У красавіку 2021 года асуджаны судом Баранавіцкага раёна да 3,5 гадоў зняволення. 

Адбываў тэрмін у наваполацкай калоніі № 1. У чэрвені 2024 года стала вядома, што палітвязень утрымліваўся ў ПКТ. 

Выйшаў на волю восенню 2024 г.