Дзмітрый Іванавіч Сінкевіч - адміністратар тэлеграм-чата "Минск. Перекрытие дорог. Чат".

Яго абвінавацілі ў арганізацыі групавых дзеянняў, якія груба парушаюць грамадскі парадак, шляхам інструктавання людзей па перакрыцці руху транспарту ў Мінску па ч. 1 арт. 342 Крымінальнага кодэкса. Паводле версіі абвінавачвання, Сінкевіч у перыяд з 31 жніўня да 30 кастрычніка 2020 года, з'яўляючыся адміністратарам Telegram-чата «Минск. Перекрытие дорог. Чат», размяшчаў у ім артыкулы з інструкцыямі па перакрыцці руху транспарту. Акрамя гэтага, як сцвярджае дзяржаўны абвінаваўца, ён займаўся пошукам асоб для супрацьпраўных дзеянняў і непасрэдна імі кіраваў.

У судзе Першамайскага раёна Мінска 24 траўня 2021 года яго асудзілі на 2 гады калоніі ва ўмовах агульнага рэжыму.

Выйшаў на волю ў жніўні 2022 г.

Да двух гадоў калоніі асудзілі адміна тэлеграм-чата «Минск. Перекрытие дорог. Чат»

У судзе Першамайскага раёна Мінска 24 траўня 2021 года асудзілі на 2 гады калоніі ва ўмовах узмоцненага рэжыму адміністратара тэлеграм-чата «Минск. Перекрытие дорог. Чат» 26-гадовага Дзмітрыя Сінкевіча. Яго абвінавацілі ў арганізацыі групавых дзеянняў, якія груба парушаюць грамадскі парадак, шляхам інструктавання людзей па перакрыцці руху транспарту ў Мінску па ч. 1 арт. 342 Крымінальнага кодэкса. Справу разглядаў суддзя Максім Трусевіч.