Дзмітрый Андрэевіч Падлобнікаў у 2020 годзе ўдзельнічаў у акцыях пратэсту ў Жлобіне. Пасля ён з'ехаў у Маскву на заробкі, аднак яго затрымала паліцыя, бо хлопец быў абвешчаны ў вышук. 

Дзмітрыя абвінавацілі ў гвалце альбо пагрозе ўжывання гвалту ў дачыненні да супрацоўніка органаў унутраных спраў (арт. 364 Крымінальнага кодэкса).

У Маскве прайшло некалькі судоў аб экстрадыцыі Дзмітрыя ў Беларусь, у выніку якіх абвінавачанага перадалі праваахоўным органам, нягледзячы на забарону Еўрапейскага суда па правах чалавека, куды звярталіся ягоныя адвакаты. 11 студзеня Генпракуратура Беларусі паведаміла аб экстрадыцыі жлабінчаніна.

4 траўня 2022 г. быў вынесены прысуд: асудзіць Падлобнікава да пазбаўлення волі ў калоніі агульнага рэжыму тэрмінам на тры гады.

У жніўні 2022 г. Дзмітрыя этапавалі з СІЗА-3 у ПК № 3 у Віцьбе.

Напрыканцы снежня 2023 года выйшаў на волю, цалкам адбыўшы тэрмін пакарання.

Жлабінчаніна экстрадавалі з Расіі і асудзілі за гвалт у дачыненні да супрацоўніка міліцыі

Суд Жлобінскага раёна 4 траўня вынес прысуд яшчэ аднаму ўдзельніку жнівеньскіх акцый пратэсту супраць вынікаў выбараў прэзідэнта ў 2020 годзе. Дзмітрыя Падлобнікава абвінавацілі ў гвалце альбо пагрозе ўжывання гвалту ў дачыненні да супрацоўніка органаў унутраных спраў (арт. 364 Крымінальнага кодэкса).