Дзмітрый Валер'евіч Матусевіч быў затрыманы за падпал дзяржаўнага сцяга Беларусі і абвінавачаны паводле арт. 370 КК (Здзек з дзяржаўнай сімволікі). Утрымліваўся ў СІЗА-2 да суда.

Дзмітрый са шматдзетнай сям’і. З малых гадоў дапамагаў выхоўваць брата і сястру, бо ўсе яны раслі без бацькі.

Паводле матэрыялаў абвінавачання, у студзені 2022 года Дзмітрый і ягоны прыяцель Вячаслаў Лютынскі набылі ў краме дзяржаўны сувенірны сцяжок і на выхадзе спрабавалі яго спаліць. Гэта заўважыў ахоўнік крамы і выклікаў міліцыю.

У судзе Оршы і Аршанскага раёна 10 чэрвеня 2022 г.  адбыўся разгляд справы. Суддзя Дзмітрый Разумовіч прызнаў Дзмітрыя вінаватым і прысудзіў яму два гады абмежавання волі з накіраваннем ва ўстанову адкрытага тыпу.

Стала вядома, што Дзмітрый і Вячаслаў пакінулі Беларусь.