Дзяніс Мікалаевіч Пішчала быў затрыманы 31 кастрычніка 2022 г. разам са сваёй сяброўкай Ілонай Зайцавай.

Спярша Дзянісу прызначылі арышт на 10 сутак паводле арт. 19.11 КаАП, пасля яму выставілі абвінавачанні паводле ч. 1 арт. 342 Крымінальнага кодэксу (Актыўны ўдзел у групавых дзеяннях, якія груба парушаюць грамадскі парадак).

На "пакаяльным відэа" хлопец казаў, што ўдзельнічаў у паслявыбарчых акцыях пратэсту і выходзіў на праезную частку, быў падпісаны на "экстрэмісцкія" тэлеграм-каналы, а таксама пакідаў абразлівыя каментары. 

Разгляд справы адбыўся ў судзе Заводскага раёна Мінска. Суддзя Анастасія Осіпчык 21 сакавіка 2023 г. прызначыла хлопцу два гады пазбаўлення волі ў калоніі ва ўмовах агульнага рэжыму.

6 чэрвеня 2023 г. у Мінскім гарадскім судзе адбыўся разгляд апеляцыйнай скаргі.

Адбываў пакаранне ў ПК № 15.

Выйшаў на волю 27 ліпеня 2024 г.