Дзяніс Гуцін

адміністратар тэлеграм-канала «Кіроўцы-97»

Былы палітвязень

Дата нараджэння: 1 траўня 1990

Дата затрымання: 22 верасня 2020

Прад'яўленыя абвінавачванні:

арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх

Вынік суда: 2 гады і 6 месяцаў

Від пакарання: пазбаўленне волі ў калоніі ва ўмовах агульнага рэжыму

Дата вызвалення: 25 кастрычніка 2022

Суддзя: Хвайніцкая Жанна

Пракурор: Кароль Аляксандр

Дзяніс Ігаравіч Гуцін — адміністратар канала "Кіроўцы 97", быў затрыманы 22 верасня ў Мінску.

Супрацоўнікі ГУБАЗіКа прыйшлі да яго дадому з аглядам і затрымалі. Пасля 15-сутачнага арышту паводле арт. 23.34 КаАП (удзел у несанкцыянаваным масавым мерапрыемстве) ён на волю не выйшаў. Дзянісу прад'явілі абвінавачванне па арт. 342 Крымінальнага кодэкса (Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх). Яго змясцілі пад варту ў СІЗА-1.

У судзе Заводскага раёна чацвёртага чэрвеня 2021 года быў абвешчаны прысуд па крымінальнай справе супраць чатырох адміністратараў тэлеграм-канала і чата “Кіроўцы 97”. Слуханні па справе праходзілі ў закрытым рэжыме. Падчас спрэчак пракурор запрасіў пакараць палітвязняў Гуціна, Кульшу і Вішняк, якія сваёй віны не прызналі, двума гадамі і шасцю месяцамі пазбаўлення волі ў калоніі агульнага рэжыму, Таццяну Шкробат, якая супрацоўнічала са следствам і прызнала віну, — трыма гадамі абмежавання волі без накіравання ў папраўчую ўстанову адкрытага тыпу ("хатняя хімія"). Менавіта такі прысуд і вынесла суддзя Жанна Хвайніцкая. 

Дзяніс адбываў пакаранне ў ПК № 2 і 25 кастрычніка 2022 г. выйшаў на волю.

Адміністратараў тэлеграм-каналу "Кіроўцы 97" судзяць у закрытым рэжыме

У судзе Заводскага раёна 5 траўня распачаўся суд над чатырма адміністратарамі тэлеграм-канала і чата “Кіроўцы 97”. Абвінавачаныя па справе – палітзняволеныя Дзяніс Гуцін, Ганна Вішняк, Вікторыя Кульша, а таксама Таццяна Ш. якая не знаходзіцца пад вартай.

У Мінску трох адміністратараў каналу "Кіроўцы 97%" адправілі ў калонію

У судзе Заводскага раёна чацвёртага чэрвеня быў абвешчаны прысуд па крымінальнай справе супраць чатырох адміністратараў тэлеграм-канала і чата “Кіроўцы 97”.

Палітвязні знаходзяцца па адрасах:

Падтрымаць «Вясну»