Дзіяна Ігараўна Завадская была затрымана паводле двух артыкулаў Крымінальнага кодэксу: арт. 342 КК (Арганізацыя альбо актыўны ўдзел у групавых дзеяннях, груба парушаючых грамадскі парадак) і ч. 2 арт. 361-3 КК (Удзел на тэрыторыі замежнай дзяржавы ва ўзброеным фарміраванні або ўзброеным канфлікце, ваенных дзеяннях, вярбоўка альбо падрыхтоўка асоб да такога ўдзелу). 

Пра Дзіяну вядома, што да затрымання яна ўзначальвала каманду тэсціроўшчыкаў у EPAM. Пасля пачатку вайны яна разам з сынам, якому цяпер 7 гадоў, выехала ў Тбілісі. Але ў нейкі момант вырашыла вярнуцца ў Беларусь, хоць час ад часу выязджала за мяжу.

26 лютага 2024 года яе пачалі судзіць у Брэсцкім абласным судзе. Справу разглядаў суддзя Мікалай Сянько.

3 траўня 2024 г. у Дзіяны адбыўся разгляд апеляцыйнай скаргі. Старшыня судовай калегіі Сяргей Гураў. 

Утрымлівалася ў СІЗА № 7. Адбывала тэрмін у ПК № 4. 

10 траўня 2024 г. унесена МУС у "спіс экстрэмістаў". 

4 верасня 2024 г. выйшла на волю па памілаванні. 

Маладую менеджарку EPAM, якая вярнулася з Грузіі, будуць судзіць за «фінансаванне вайны»

Затрыманую зваць Дзіяна Завадская. Яна 34-гадовая берасцейка. Працуе ў EPAM і ўзначальвае там каманду тэсціроўшчыкаў. Дзіяна перайшла ў IT з маркетынгу, працуе ў сферы ўжо больш за 7 гадоў.