Цімафея Валер'евіча Шкуратовіча абвінавачвалі ва ўдзеле ў масавых беспарадках (арт. 293), распальванні іншай сацыяльнай варожасці ( арт. 130 Крымінальнага кодэкса) і абразе прадстаўніка ўлады (арт. 369). Былы выкладчык радыётэхнічнага каледжа Шкуратовіч па некаторых звестках быў затрыманы 30 верасня 2021 года. Да суда змяшчаўся ў СІЗА № 1 Мінска.

Судовае пасяджэнне вяла суддзя Жанна Брысіна. Па сукупнасці вынесеных пакаранняў суд пастанавіў пакараць Цімафея Шкуратовіча пазбаўленнем волі тэрмінам на два гады ва ўмовах агульнага рэжыму.

У кастрычніку 2022 г. КДБ уключыў Цімафея ў спіс "асобаў, датычных да тэрарыстычнай дзейнасці".

Быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

У пачатку красавіка 2023 г. палітвязень выйшаў на волю, цалкам адбыўшы тэрмін.

Выкладчыка радыётэхнічнага каледжа асудзілі па "справе Зельцэра"

Мінскі гарадскі суд 19 верасня агучыў прысуд 30-гадоваму Цімафею Шкуратовічу, якога абвінавачвалі ва ўдзеле ў масавых беспарадках, распальванні іншай сацыяльнай варожасці і абразе прадстаўніка ўлады.