Барыс Віктаравіч Несцяровіч — жыхар Вілейкі, затрыманы 11 лістапада 2021 года. Мужчыну адвезлі ў Мінск у ізалятар часовага ўтрымання і праз 10 дзён перавялі ў СІЗА.

Несцяровічу прад'явілі абвінавачванне ў актыўным удзеле у групавых дзеяннях, што груба парушаюць грамадскі парадак (арт. 342 Крымінальнага кодэксу).

У судзе Ленінскага раёна Мінска 7 красавіка 2022 года да двух гадоў абмежавання волі з накіраваннем у папраўчую ўстанову адкрытага тыпу ("хіміі") асудзілі палітзняволенага Барыса Несцяровіча. Яго судзілі за ўдзел у адным мітынгу 23 жніўня 2020 года — "Маршы Новай Беларусі". Справу супраць палітвязня разглядала суддзя Анастасія Ачалава. Яго вызвалілі ў зале суда пасля 5 месяцаў зняволення ў СІЗА-1 да накіравання ў папраўчую ўстанову.

28 ліпеня 2022 г. Барыс пачаў адбываць пакаранне ў ПУАТ № 21.

Вілейчука асудзілі да 2 гадоў "хіміі" за ўдзел у адным Маршы

Згодна з версіяй абвінавачвання, 34-гадовы жыхар горада Вілейка 23 жніўня 2020 года ў Мінску ігнараваў законныя патрабаванні супрацоўнікаў міліцыі, выходзіў на праезную частку і груба парушаў грамадскі парадак.