Барыса Уладзіміравіча Кучынскага абвінавацілі адразу па двух артыкулах Крымінальнага кодэкса Беларусі: «Абраза прадстаўніка ўлады» (арт. 369 КК) і «Незаконныя дзеянні ў дачыненні да інфармацыі аб прыватным жыццм і персанальных дадзеных» (прым. 1 ч. 3 арт. 203 КК). 

10 лістапада 2022 у судзе Слонімскага раёна яго асудзілі на абмежаванне волі без накіравання ў папраўчую ўстанову адкрытага тыпу тэрмінам на 3 гады (так званая «хатняя хімія»). Акрамя таго, Кучынскі павінен выплаціць штраф памерам у 150 базавых велічынь (4 800 рублёў), а таксама пакрыць пацярпеламу міліцыянту Віктару Лутчанку маральныя пакуты ў памеры 5 000 беларускіх рублёў. 

Стала вядома, што пракуратура падала апеляцыйную скаргу на прысуд і Гарадзенскі абласны суд прысудзіў Кучынскаму больш строгае пакаранне – два гады калоніі. Барыс Кучынскі абскарджаваў гэты прысуд у Вярхоўным судзе, але там яго скаргу не задаволілі.

Цяпер ён знаходзіцца ў ПК № 2 (горад Бабруйск).

Музыка, актывізм, агарод. Гісторыя 73-гадовага палітвязня Барыса Кучынскага

Барыса асудзілі на два гады калоніі. Усё — праз адзін лайк у "Аднакласніках". Прыйшлі ж за Барысам, калі той быў на агародзе. Разам з Мікітам, унукам Барыса Кучынскага, "Вясна" распавядае пра 73-гадовага палітзняволенага.

Пасля ўзмацнення пакарання 73-гадовага Барыса Кучынскага адправілі ў калонію

73-гадовага жыхара Слоніма Барыса Кучынскага адправілі ў калонію тэрмінам на два гады. Цяпер ён знаходзіцца ў ПК № 2 (горад Бабруйск). Гэта адбылося пасля ўзмацнення пакарання.

Чаму не падпісаны на праўладныя каналы? Як праходзіў суд над 72-гадовым Барысам Кучынскім

Падчас судовага працэсу 10 лістапада "пацярпелы" міліцыянт казаў пра "ОПГ Автуховича", дзяржабвінавачванне запытвала для Кучынскага калонію, а суддзя цікавіўся, ці чытае абвінавачаны такія Тelegram-каналы, у якіх добра б апісвалася дзяржава.